5 ka usher sa swertres sa Lalawigan sa Sugbo, nasikop

Lima ka tawo, lakip sa usa ka 63 anyos nga dalagang guwang, nga nalambigit sa illegal numbers game nga Swertres ang naposasan sa adlaw’ng Biyernes, Abril 25, 2025, sa Barangay Inayagan, Dakbayan sa Naga ug sa Lungsod sa Liloan. Si alyas Mabel, 28, dalaga, taga Purok Sibuyas, Sta. Cruz, Barangay Tubod, lungsod sa Minglanilla, napusasan sa mga sakop sa Intel personnel sa Naga City Police Station human naaktuhan nga nang-isyu og swertres.

Narekuber sa kapulisan ang mga gambling paraphernalia ug pusta. Sunod nga napusasan si alyas Angel, 22, dalaga nga taga Purok Sibuyas, sa alas 8 sa gabii. Nakuha gikan kaniya ang mga gambling paraphernalia ug pusta.



Lakip sa gidangdakop sila si alyas Princess, 63, dalaga nga taga Barangay North Poblacion, Naga. Sa Lungsod sa Liloan, duha usab ka usher ang gidakop sa kapulisan. Ang mga dinakpan wala mapakita sa kapulisan og mga dukomento nga legal ang ilang pagpadagan sa swertres.

Ang lima ka mga dinakpan pasakaa’g kaso karong adlawa, Lunes, gumikan sa paglapas sa Republic Act 9287 o Illegal numbers game. / GPL.