Marcos motambong sa lubong ni Pope Francis

Motambong sa lubong ni Pope Francis sa Vatican City karong Sabado, Abril 26, 2025, si Presidente Ferdinand Marcos Jr., ug iyang asawa, First Lady Louise Araneta-Marcos. Kini ang gikumpirmar ni Palace Press Officer Undersecretary Atty.

Claire Castro ngadto sa mga tigbalita niadtong Miyerkules, Abril 23, 2025. Sa sayo pa, si Marcos nipadayag sa tumang kasubo sa pagkamatay ni Pope Francis nga nailhan sa lokal nga ngalan nga Lolo Kiko nga iyang gihulagway nga “labing maayo nga papa sa akong kinabuhi.” Nahinumdom siya sa gugma sa papa alang sa pagkasentro sa mga nahimulag ug gisalikway ug ang panginahanglan sa pagpakaylap sa Ebanghelyo.



Si Pope Francis, 88, namatay human ma-stroke ug cardiac arrest niadtong Lunes, Abril 21, usa ka adlaw human nipakita atubangan sa mga tawo sa St. Peter’s Square nga adunay mensahe nga “Happy Easter.” Sa wala pa siya mamatay, siya gasulod ug gawas sa ospital tungod sa double pneumonia.

Ang patay nga lawas sa papa ibutang sa St. Peter’s Basilica gikan sa Miyerkules hangtod sa Biyernes sa dili pa ang iyang lubong sa Sabado aron tugotan ang mga tawo nga maghatag kaniya sa ilang katapusang respeto. Sa Pilipinas, daghang mga simbahan ug mga eskwelahan sa katoliko sa Manila, Quezon City ug Cebu City ang magpahigayon og memorial mass alang kang Pope Francis.

/ TPM / SunStar Philippines.