P8-M shabu nasakmit sulod sa 24 oras sa CV

Sulod lang sa 24 oras, ang kapulisan sa Central Visayas (CV) nakasakmit og P8.2 mil­yunes nga balor sa ilegal nga drugas diin ang labing daghang nakuha sa Dakbayan sa Sugbo. Sa managlahi nga anti-illegal drug operation sa Cebu City Police Office (CCPO), nakakuha sila og 900 gramos sa gituohang shabu nga mobalor sa P6.

1 million. Ang Sawang Calero Police Station nakasikop sa 22 anyos nga high value individual nga si alyas Elvis, taga Block 5, Barangay Sawang Calero, nga nakuhaan og 500.5 gramos sa gituohang shabu nga mobalor sa P3,403,400.



Samtang ang City Drug Enforcement Unit sa CCPO nakasikop usab og laing high value individual sa Sitio Sinulog, Barangay Mabolo. Ang nadakpan giila nga si alyas Didang, 34, taga Upper Yati, Lungsod sa Liloan, nga nakuhaan og 400 gramos sa gituohang shabu nga mobalor sa P2,720,000. Ang mga nakuha nga ebidensya giduso na sa PNP Regional Forensic Laboratory alang sa chemical analysis.

Nakasakmit usab ang Cebu Police Provincial Office sa Barangay Tayud sa Lungsod sa Consolacion og balor P680,000 nga ilegal nga drugas gikan sa laing high value individual. Tungod niining maong kalamposan, ang hepe sa Police Regional Office 7 nga si Police Brigadier General Redrico Maranan mipasigarbo sa ilang sunod-sunod nga malampuson nga operasyon aron mapugngan ang pagkuyanap sa ilegal nga drugas sa CV. “These operations are a direct result of our strengthened intel­ligence work and regi­onal coordination.

We remain steadfast in our mission to rid Central Visayas of the drug menace, " matod ni Maranan. Tinguha ni Maranan nga mabungkag na ang drug networks sa tibuok Central Visayas pinaagi sa walay hunong nila nga operation. Ang mga nadakpan nga mga suspetsado pulos na nag-atubang og kasong kalapasan sa Sections 5 ug 11 sa Republic Act 9165 kun Comprehensive Dangerous Drugs Act of 2002.

/AYB.