Paghatag sa 'ayuda' gidili gikan sa Mayo 2 hangtod 12

Ang pag-apud-apod sa bisan unsang porma sa tabang pinansyal, nga nailhan sa lokal nga “ayuda,” gidili 10 ka mga adlaw sa dili pa ang Mayo 12 nasyonal ug lokal nga eleksyon (NLE). Si Commission on Elections (Comelec) Chairman George Erwin Garcia nipahinumdom niini niadtong Sabado, Abril 26, 2025. Sa interbyu sa radyo, matod ni Garcia nga sugod sa Mayo 2 hangtod 12, gidili ang paghatag og ayuda gawas lang kon kabahin kini sa medikal ug lubong.

Matod niya nga apil kini sa Assistance to Individuals in Crisis Situations (AICS), Tulong Panghanapbuhay sa Ating Disadvantaged/Displaced Workers (Tupad), Pantawid Pamilyang Pilipino Program (4Ps), ug ang kontrobersyal nga Ayuda para sa Kapos ang Kita Program (Akap) sa Department of Social and Welfare and Development. Si Garcia niingon nga ang mga malapason mag-atubang og kaso sa paglapas sa Omnibus Election Code, nga dunay silot nga pagkabilanggo. Sa sayo pa, ang Comelec niisyu og ban exemption sa Department of Agriculture nga P20 matag kilo nga Rice Project, nga gisugdan Kabisay-an.



Ang local government units (LGUs) gikinahanglang ma­kakuha og lahi nga certificates of exemption kon ibaligya nioini pag-usab ang mga produkto sa bugas sa mas ubos nga presyo. Tugotan ra sab ang pagpabaligya sa subsidized nga bugas kon himuon kini sa pampublikong mga lugar. / TPM / SunStar Philippines.