PBA mopahigayon og mga duwa sa Montalban

Sa labing unang higayon, mopahigayon og mga duwa ang Philippine Basketball Association (PBA) sa bag-ong natukod nga Ynares Center sa Montalban sa sunod buwan. Mahitabo kini karong Mayo 2, 2025, diin magsangka sa premirong duwa ang NLEX Road Warriors batok Blackwater Bossing sugod sa alas 5:00 sa hapon unya mag-engkuwentro sa main game ang TNT Tropang Giga 5G batok Phoenix Super LPG Fuel Masters sa nagpada­yong PBA Philippine Cup. Mopahigayon na sab og mga duwa ang PBA sa samang venue karong Mayo 18.

Ning higayuna, magsangka sa premirong duwa ang San Miguel Beermen batok Terrafirma Dyip unya magkumbati sa main game ang Rain or Shine Elasto Painters batok Magnolia Hotshots. Gawas sa Montalban, mopahigayon sab ang PBA og out-of-town games sa Pampanga, Candon, Ilocos Sur, ug Cagayan De Oro sa umaabot. / ESL.