Pritchard napiling 6th Man of the Year

Napiling Sixth Man of the Year awardee sa 2024-25 National Basketball Association (NBA) ang reserve pointguard sa defending champions Boston Celtics nga si Payton Pritchard. Si Pritchard maoy bugtong magduduwa sa NBA nga nakaabot og kapin sa 1,000 ka puntos sa mga duwa nga dili siya starter. Siya sab ang naggunit sa rekord sa labing daghang three-pointers nga napasulod sa usa ka reserve player.

“This is definitely an honor,” matod ni Pritchard kinsa nakahakot og 82 sa posibleng 100 first place votes ning maong piniliay. / Gikan sa AP.