Talk to Papa Joe: Nagselos

Dear Papa Joe, Maayong adlaw nimo diha. Ako diay si Liza 21 years old nga taga Lapu-Lapu. Duna koy kapuyo for two years na pero wa mi anak.

Karon, sa kasaulogan sa sa Kadaugan sa Mactan kay duna man to’y concert. Kani lagi apil-apil ta sa trend, tan-aw sab mi ni Elias. Di malikayan nga maapil gyud mi sa syagit-syagit sa mga babaye, apil na gani mga lalaki pero nasuko akong pares ug hangtud karon way maaayong tinagdan nako kay lagi nakalitok ko sa pulong nga I love you.



Pero fan girl lang gud. Unya feeling niya mas kiligon man ko atong singer daw kay kaniya. Unsaon man nako ni siya nga maulian? LIZA Liza, Sa mga mata sa uban, mabaw ra kaayo na imong kapuyo pero di nimo malikayan sa ubang lalaki nga malain.

Ma insecure o uban pa. Di man sad sa hugaw og hunahuna ang uban pero ma-insecure gyud kay makaingon nga maibog pa diay ni og lain. Mao bitaw na nga naay madisgrasya sa managhigala lang nga na aktuhan nga nagkakuyog ug nakaestorya lang nga babaye ug lalaki.

Murag instinct na kana sa ubang lalaki,gawas lang seguro og secure kaayo ang lalaki o wa siyay paki nimo kay siya sad sa iyang side way but-anay kon mo-admire sad siya. Pero buot hunahunaon, ang babaye man gani dali masuko mo-admire ang lalaki di ba? Correct me if I'm wrong. So murag same ra gyud diay.

Bitaw paraygi lang na maulian ra na. Papa Joe (Sa Inyong tampo ipadala lang sa papajoe­superb­@gmail.com).