Tapales mibuak sa ilong sa Indonesian

Naangkon ni kanhi world champion Filipino Marlon Tapales ang World Boxing Council (WBC) International Silver super bantamweight pinaagi sa third round stoppage nga daog batok ni Indonesian Jon Jon Jet niadtong Dominggo sa gabii, Abril 27, 2025, sa Venue 88 sa General Santos City. Nisurender sa away si Jet gumikan kay nabuak ang ilong niini. Si Tapales nisaka sa 40-4, 21KOs nga rekord samtang si Jet nahagbong sa 15-2-1, 12KOs nga baraha.

Nagsilbe kining pagpangandam ni Tapales alang sa mas dakong tahas diin posible siyang manuktok pagbalik alang sa world title sa dili pa mahuman ang tuig 2025. Si Tapales kasamtangang rank­ed No.2 sa WBC, No.



3 sa International Boxing Federation (IBF) ug No. 5 sa World Boxing Association (WBA). /EKA, ESL.