Target sa pulis misukol, patay

KIDAPAWAN CITY -- Napatay ang wanted person nga maoy target sa operasyon sa kapulisan human giingong nisukol, alas 12:39 sa kaadlawon, Biyernes, Abril 25, 2025, sa Matalam, Cotabato Province. Giila ang napatay nga si Allan Tapa Unutan, 36-anyos, minyo, ug nagpuyo sa Purok 6, Barangay Kidama, Matalam. Gibutyag ni Cotabato Police Provincial Office (CPPO) Director, Police Colonel Gilberto Tuzon nga nagpahigayon og operasyon ang mga sakop sa Matalam Municipal Police Station, uban ang Highway Patrol Group 12, City Provincial Mobile Force Company (CPMFC 12), Regional Mobile Force Battalion (RMFB 12), ug Cotabato Police Provincial Office - Provincial Intelligence Unit (CPPO-PIU).

Apan pag-abot sa raiding team sa maong dapit, misukol ang suspek hinungdan nga napusilan. Gisulayan pa kini og hatud s mga pulis sa balay tambalanan apan namatay gihapon. Narekober sa posisyon ni Unutan ang usa ka kalibre .



45 nga pistola, mga bala ug magasin. Gipalig-on pa sa Matalam MPS ang paglutos sa mga wanted person nga nagtago-tago sa ilang area of responsibility (AOR). (Edgar E.

Fuerzas).