1 week Ago By Associated Press
Batan Island, Philippines – Sa labing unang higayon, nag-deploy ang US military og anti-ship missile launcher sa Batan Island sa Philippines samtang ang Marines nag-unload og high-precision weapon sa tumoy sa amihanan sa archipelago, usa lang ka sea border ang distansya gikan sa Taiwan. Nagpahigayon og managlahing missile ug artillery fire ang mga puwersa sa US ug Pilipinas nga niigo sa ubay-ubay nga drones nga nagsilbeng mga eroplano atol sa live-fire drills niadtong Domingo, Abril 27, 2025, sa Zambales province, nga nag-atubang sa giilugang South China Sea. Ang daw gubat nga mga senaryo sa tinuig nga Balikatan exercises tali sa US ug Pilipinas wala lang nagsuon sa usa ka tinuod nga gubat, gipahigayon sab kini sa labing duol nga mayorihiyang geopolitical hotspots, nga frontline sa regional rivalry tali sa China ug US ubos sa administrasyon ni kanhi US president Joe Biden ug kasamtangang US president Donald Trump.
Mga 9,000 ka American ug 5,000 ka Filipino military personnel ang ning-apil sa kalihukan. Labing minos, aduna sab 260 ka Australian personnel ang ningsalmot sa kalihukan nga gisaksihan og observer delegations gikan sa Japan ug ubang mga nasod. Ang China hugtanong nisupak sa combat drills nga ilang gihulagway nga makapahagit.
Sa ninglabay nga pipila ka mga adlaw, ang aircraft carrier group sa China nilabay sa Batanes, diin ang militar sa US nag-deploy sa Navy Marine Expeditionary Ship Interdiction System niadtong Sabado, Abril 26, sa Batan duol sa Bashi Channel, nga usa ka importante nga rota nga tinguhang kontrolon sa US ug China. / AP.
