Robb Guinto, masaya na big stars ang nakakatrabaho sa 'Pepito Manaloto'

Napangiti ang VMX star Robb Guinto sa pagkakataon na nabigay sa kaniya na makasama sa award-winning sitcom na Pepito Manaloto na pinagbibidahan nina Michael V. at Manilyn Reynes.Gumaganap siya bilang sexy babe na si Vanessa na nakilala ni Pepito sa isang bikini bar.

Big opportunity rin kay Robb na makasama siya sa anniversary and summer special ng flagship sitcom na mapapanood ang first part sa darating na Sabado, April 26.Sa panayam sa sexy comedienne, malaki raw ang pasasalamat niya sa Pepito Manaloto team sa tiwala na ibinigay sa kaniya.Sabi ni Robb, “Sobrang happy po ako lalo na ganito na sunod-sunod ako na lumalabas ngayon sa Pepito.



Of course, nagpapasalamat din ako sa ibinibigay nilang tiwala sa akin, especially 'yung karakter na binigay nila sa akin.”Dagdag niya, “Sa totoo lang nakakapanibago sa akin, kasi, lalo na mga big artist na 'yung nakakasama ko ngayon. Sobrang gaan nila katrabaho and nakakakuha ako sa kanila ng mga tips about acting and of course nakakakuwentuhan ko sila.

”Ano naman kaya ang memorable moment niya kapag nasa taping ng Pepito Manaloto?“Lahat memorable sa akin, lahat memorable 'yung mga shoots namin kasi first time ko makasama sa ganito klaseng show dito sa GMA. Kaya lahat dito memorable and sinusulit ko,” sagot niya.Bukod sa Pepito Manaloto, napanood na rin si Robb sa longest-running gag show na Bubble Gang at sa GMA Prime series na Mga Batang Riles.

RELATED GALLERY: 15 actors who appeared on 'Pepito Manaloto'.